Српската премиерка Ана Брнабиќ потврди дека се слушнала со министерката за надворешни работи на Австралија и дека разговорот за Новак Ѓоковиќ бил конструктивен.
-До финалната одлука останува во Парк хотелот. Издејствувавме да му се носи безглутенска исхрана, да добие справи за вежбање, му однесовме лаптоп, сим картичка за да биде во контакт со семејството, рече Брнабиќ и изрази надеж дека барем малку му е олеснет престојот во собата.
-Веќе има позитивен тон од австралиска страма. Владата на Србија е подготвена да ги понуди сите гаранции за Новак Ѓоковиќ да биде пуштен во Австралија, а интервенира и српскиот претседател, рече Брнабиќ.