Делува како несолена шега – ова е оценката на премерката на Србија Ана Брнабиќ за деншното соопштение од Европската унија. Таа ја повика ЕУ да престане со лицемерието и да го заврши својот дел од работата.
„Гледајќи ја денешната изјава на ЕЕАС, некој би помислил дека денес е 1 април, а не 14 август. Тоа мора да е некаква (многу невкусна) шега. Цели 175 дена Албин Курти провоцира вооружен конфликт со Србите. И тоа во годината што ќе остане запаметена како година во која Курти ги лиши истите тие Срби на Косово и Метохија од нивните најосновни човекови права – со тоа што им забрани да гласаат. Освен бескорисна писмена изјава, ЕУ не направи апсолутно ништо. Спротивно на тоа, мотото на претседателот Вучиќ и Србија е јасно: мир и стабилност. Се наближуваме до десет години од потпишувањето на Бриселскиот договор, кој ЕУ едноставно не може да го спроведе. Дури и самата ЕУ признава дека не можат да го принудат Курти да формира Заедница на српски општини – столбот на Бриселскиот договор. Жално е да се види дека ЕУ не ја гледа сопствената вина за тоа каде сме денес. Ако ЕУ го завршееш својот дел – да го обезбеди спроведувањето на Бриселскиот договор и ги гарантираше основните човекови права на Србите во Косово – работите денес ќе изгледаа многу подобро. Затоа ве молам престанете со лицемерието“, се вели во одговорот на Брнабиќ.
Во соопштенето од ЕУ се искажува загриженот за потпалувачката реторика од функционери и од Косово и од Србија и уште се вели дека двете страни ќе бидат одговорни секоја ескалација што ќе доведе до зголемени тензии и потенцијално насилство во регионот.