Борисов: Веруваме дека Србија наскоро ќе стане членка на ЕУ

Од:

Србија е неодвоив дел од Европа и веруваме дека наскоро ќе стане членка на ЕУ, изјави денеска бугарскиот премиер Бојко Борисов во Белград, откако српскиот претседател му го врачи „Орденот на Република Србија“.

– Дозволете ми да ја примам оваа награда во името на сите Бугари, кои вложија огромни напори за време на бугарското претседавање (со Унијата) и на сите нас, кои веруваме дека Србија е неодвоив дел од Европа и дека во најскоро време ќе стане членка на ЕУ, изјави Борисов.

Тој нагласи дека нема ништо подобро од тоа соседите да се земји членки на ЕУ, бидејќи така заедно ќе можат да работат на реализација на инфрастуктурни проекти, како железнички пруги, патишта и гасоводи.

– Можам да ве уверам дека колку и да е сложен светот и колку тешки решенија да донесувме, особено по војна, јас верувам и гледам дека Србија се движи по вистинскиот пат и нема поубаво пријателство од мирот и заедништвото меѓу народите, нагласи Борисов.

Како што јави БГНЕС, „Орденот на Република Србија“, кој е највисоко српско државно признание, му беше врачено на Борисов по повод Денот на државноста на Србија. Во образложението на одлуката за одликување на Борисов со Орденот, се нагласува дека тој му се доделува поради „заслуги за развојот и зацврстувањето на мирољубивата соработка и пријателски односи меѓу Република Србија и Република Бугарија“.

Инаку, покрај на Борисов, Вучиќ денеска одликувања, меѓу другите, им додели и на поранешниот амбасадор на Кина во Белград, Ли Манчанг, на претседателот на Европската комора, Кристоф Лајтл, на советникот на рускиот претседател Владимир Путин, Јуриј Ушаков, на првиот човек на „Газпром“, Алексеј Милер и на директорот на фондацијата „Конрад Аденауер“ во Србија, Норберт Бекман-Диркес.

Би можело да ве интересира

ЕКФР: Кризата овозможи Вучиќ да ги засили нападите врз ЕУ

Гренел за Т7: Никогаш не сум разговарал со Тачи и Вучиќ за размена на територии помеѓу Косово и Србија

Вучиќ-Брнабиќ: Не ги затвораме градовите, одиме на масовно тестирање и масовна изолација во привремените болници

А1он

Нова порака на Лагард за лидерите во ЕУ: Работете поинтензивно за да се ублажи влијанието на Ковид-19 врз економиите

А1он

И во Србија регистрирано големо загадување на воздухот

А1он

Во Србија регистрирани 71 нови случаи, нов смртен случај, вкупно заразени 528 лица

А1он