Борисов по телефонскиот разговор со Ердоган: Нема закана за Бугарија од мигрантите од Турција

Од:

 Бугарскиот премиер Бојко Борисов денеска имаше телефонски разговор со турскиот претседател Реџеп Тајип Ердоган во кој двајцата лидери ја разгледале ситуацијата во Сирија и ситуацијата со мигрантите.

Во текот на разговорот било расчистено дека во овој момент нема директна закана за Бугарија.

Двајцата лидери се договориле во понеделник да оддржат и заедничка средба.

Борисов во разговорот забележал дека Бугарија високо го цени придонесот на Турција  во прашањата со миграцијата и покажал разбирање за огромните тешкотии кои нивниот сосед ги има со години наназад со бројот на мигранти.

Премиерот Борисов е категоричен дека во оваа ситуација ниту Турција, ниту која и да било друга држава не треба да биде оставена сама да се справува со проблемот и дека треба да и се укаже поддршка.

Бугарскиот премиер изрази увереност дека Бугарија и Турција и во иднина ќе продолжат да работат заедно во интерес на справувањето со кризата во Сирија и за запирањето на мигрантскиот прилив и притисок.

Борисов изрази длабока жалост за загинатите турски војници во сириската провинција Идлиб. Тој подвлече дека за кризата во Сирија постои само мирно политичко решение.

За Борисов клучно е да се примени спогодбата ЕУ- Турција. Според него, од исклучително значење е Европската унија да има единствена позиција за мигрантското прашање. Тој додаде дека за денешниот телефонски разговор ќе ги информира претседателката на ЕК, Урсула фон дер Лајен, претседателот на Европскиот совет Шарл Мишел, и лидерите од ЕУ и дека ќе апелира ЕУ уште посериозно да се заземе за решавањето на кризата по дипломатски пат.

Би можело да ве интересира

Ердоган ги повика Турците да бојкотираат француски производи

Жарко Настоски

Ердоган во турскиот Парламент: Ерусалим е наш град

Жарко Настоски

Алиев му се заблагодари на Ердоган што го поддржува Азербејџан

Жарко Настоски

(ВИДЕО) Вучиќ: Со Ердоган договоривме изградба на индустриска зона во Војводина

Горјан Грнчаровски

Ердоган во Турција тужи грчки новинари поради навредливата насловна страница

Жарко Настоски

Рама ненајавено отпатува во Мармарис на средба со Ердоган

Жарко Настоски