Борисов: Европерспективата на Западен Балкан нема алтернатива

Од:

Европската перспектива на Западен Балкан нема алтернатива. Тоа е гаранција за безбедностa, стабилностa, економскиот и социјалниот развој на регионот, истакна бугарскиот премиер Бојко Борисов во обраќањето на Самитот на земјите од регионот што се одржува во полскиот град Познањ во рамки на Берлинскиот процес.

Борисов нагласи дека проширувањето на ЕУ со шесте земји од Западен Балкан останува еден од клучните надворешно-политички приоритети на Бугарија.

-За нас е важно Западниот Балкан никогаш повеќе да не се врати во состојба на конфликти, непријателства и национализам како што беше во деведесеттите години од 20-иот век, посочи шефот на бугарската Влада.

Државите од регионот, кажа Борисов, треба да вложат максимални напори за развој на добрососедските односи, а како добар пример за тоа го посочи Договорот за добрососедство меѓу Бугарија и Северна Македонија, што му овозможи на Скопје да го забрза патот кон ЕУ. Клучниот збор е довербата и на тоа треба да се работи, додаде бугарскиот премиер, пренесува БГНЕС.

Според него, многу важно за иднината и развојот на регионот е изградбата на добри транспортни и енергетски врски, како и дигиталната поврзаност.

-Од интерес за целиот регион и за европската безбедност е целосното комплетирање на Коридорот 8 преку кој ќе се поврзат Црното Море и Јадранското Море, рече Борисов.

Тој изрази надеж дека Берлинскиот процес ќе продолжи и натаму да биде поттик за развој на соработката во регионот и за негово побрзо приклучување во ЕУ.

Би можело да ве интересира

Меркел: Вистински обединета Европа ги вклучува и земјите од Западен Балкан

Ана Ололовска

Висока воена делегација од Бугарија во посета на Скопје

А1он

Бугарија им плати 1,2 милијарди долари на САД за осум авиони Ф-16

„Европска правда“: Секое осмо дете во ЕУ, родено од мајка помлада од 20 години е од Бугарија и Романија

Татјана Ташкова

Грција го забрани увозот на свинско месо од Бугарија

Ана Ололовска

(ВИДЕО) Заев: Решивме четири историски личности, ќе најдеме решение и за Гоце Делчев

Кристијан Ландов