„Сè додека трае пандемијата, пензионерите ќе добиваат додаток од 50 лева (25 евра) месечно, а понатаму ќе има индексирање на пензиите“, изјави бугарскиот премиер Бојко Борисов.
„Не можеме да индексираме пензии и да даваме 50 лева истовремено, бидејќи тоа се 108 милиони лева месечно“, објасни тој.
Борисов во посета на селото Лесидрен ги праша пензионерите дали добиваат додаток од 50 лева, што Владата го доделува веќе три месеци како помош за време на пандемијата.
Тој за време на посетата најави дека откако ќе заврши пандемијата со Ковид-19, ќе следи индексирање на пензиите по што примањата на пензионерите континуирано ќе се зголемуваат.