Високиот претставник на ЕУ за надворешна политика, Жозеп Борел, денеска изјави дека Европската унија е многу загрижена поради, како што рече, акумулацијата на српската војска на административната линија.
„Разговараме со партнерите и сојузниците за моменталната ситуација на северот на Косово, која првенствено бара деескалација и стабилизирање на безбедносната ситуација. Исто така сме во близок и редовен контакт со САД за ова прашање“, изјави Борел за новинарите во Одеса.
Тој оцени дека минатонеделното заплена на оружје и опрема во Бањска е многу сериозна работа.