Борел: Не треба да има ништо поважно за Црна Гора од европскиот пат

Од:

Сите политички актери и институции во Црна Гора треба да продолжат заедно да работат на реформите, во конструктивен дух, а други тековни политички прашања не треба да одвлекуваат внимание од реформската агенда што води кон полноправно членство во Европската унија, изјави денеска во Подгорица потпретседателот на Европската комисија, Жозеп Борел.

dobivaj vesti na viber

Борел заедно со еврокомесарот за соседство и проширување, Оливер Вархеји, учествуваше во работата на Советот за стабилизација и асоцијација на ЕУ и Црна Гора.

Според Борел, состанокот бил важен за да им се покаже на граѓаните на Црна Гора и на целиот регион, посветеноста на Брисел за заедничка иднина во ЕУ.

– Силата и фокусот на сите политички субјекти треба да бидат насочени на спроведување европски реформи. Не треба да постои ништо поважно за Црна Гора од европскиот пат, посебно во момент кога Црна Гора треба да биде водач во пристапните преговори, смета Борел.

Тој истакна дека ЕУ од Црна Гора очекува да ја укине програмата за економско државјанство за инвеститорите и да се усогласи визната политика со таа на ЕУ.

Вархеји истакна дека со црногорски официјални лица разговарале за економскиот и инвестицискиот план со што ЕУ сака да ја забрза интеграцијата, па Црна Гора да може да биде еден од најголемите корисници, преку градење патишта и пруги што ќе ја поврзат земјата со соседите.

– Европа може да пружи огромна помош во сите овие предизвици. Во оваа земја може да се вложат 1,3 милијарди евра со цел да се надминат тешкотиите, но, потребно е да се остварат резултати, подвлече Вархеји.

Како што тој оцени, и „покрај војната во Европа“, има добра перспектива за Црна Гора.

– Европа е тука и го спроведува тоа што го вети, додаде тој.

Црногорскиот премиер Дритан Абазовиќ на заедничка прес-конференција нагласи дека одржувањето на седницата на Советот за стабилизација и асоцијација на ЕУ и Црна Гора во Подгорица за првпат е надвор од ЕУ, големо признание за земјата и оти тоа укажува дека на Западен Балкан идејата за проширување живее најмногу низ Црна Гора.

– Црногорската Влада гледа само еден главен надворешнополитички приоритет, а тоа е како Црна Гора да стане идна членка на ЕУ. Сите мораме да бидеме посветени на тоа прашање, мораме да ги решаваме работите што бараат поширок консензус во општеството, да се оди кон деблокирање на европскиот пат, појасни Абазовиќ.

Доколку Црна Гора успее да ги оствари тие резултати, Абазовиќ верува дека Европската комисија тоа ќе го препознае во извештајот за напредок и земјата ќе се движи кон крајните одредници.

Тројцата функционери се согласни дека моменталната политичка криза во земјата, настаната откако Владата на Абазовиќ, и покрај противењето на поголем дел од црногорските власти, го усвои текстот на Основниот договор со Српската православна црква, единствено може да го забави патот на Црна Гора кон Европската Унија.

Извор: МИА

Би можело да ве интересира

ВИДЕО: Бомбаш од Подгорица убиен во престрелка со полицијата, пукал на нив кога дошле да го апсат

А1он

Црна Гора: Старото парламентарно мнозинство потпиша иницијатива за разрешување на Ѓукановиќ

Ана Ололовска

Мнозинство од црногорските пратеници постигнаа договор Лекиќ да биде мандатар за нова влада

Ѓукановиќ не го прифаќа Лекиќ за мандатар, бара скратување на мандатот на Парламентот

Македонски Албанец нов американски амбасадор на САД во Црна Гора

А1он

Денеска истекува рокот кога Ѓукановиќ треба да го соопшти името на мандатарот

Ана Ололовска