Безбедносните служби на БиХ не добиле информации за закана по безбедноста на Милановиќ

Од:

Полициските и безбедносните служби во БиХ немаат добиено никакви информации за евентуална закана за хрватскиот претседател Зоран Милановиќ, кој, како што беше претходно соопштено од неговиот кабинет, поради безбедносни причини ја откажа посетата на централна Босна и Херцеговина.

dobivaj vesti na viber

Директорот на Управата за координација на полицијата, Мирсад Вилиќ, изјави за државната радио и телевизија на Босна и Херцеговина (БХРТ) дека со денови работеле со полициските агенции од БиХ и Хрватска кои биле вклучени во организирањето на посетата на хрватскиот претседател.

– Нашите служби немаат информации за загрозена безбедност на Зоран Милановиќ за време на неговиот престој во Босна и Херцеговина, изјави Вилиќ.

Вилиќ е шеф на агенција која ја координира работата на неколку полициски агенции, а неговите службеници се најдиректно вклучени во заштитата на ВИП личностите.

За денеска најавената посета на хрватскиот претседател Зоран Милановиќ на Босна и Херцеговина и присуството на настанот по повод 28-годишнината од хуманитарниот конвој „Белиот пат кон Нова Била и Босна Сребрена“ се откажува од безбедносни причини, соопшти Кабинетот на претседателот на Хрватска.

„Одлуката за откажување на посетата се заснова на безбедносната проценка на надлежните институции на Република Хрватска“, се наведува во соопштението.

„Претседателот Милановиќ изразува жалење што нема да учествува на одбележувањето на овој значаен настан за Хрватите од Лашванска долина и изразува силна поддршка и благодарност до организаторите за зачувување на споменот на хуманитарниот конвој“, се додава во соопштението од Кабинетот на хрватскиот претседател Милановиќ.

Би можело да ве интересира

Милановиќ: Ќе ставам вето на влезот на Финска во НАТО

А1он

Хрватските новинари го повикаа Милановиќ да не ја навредува новинарската професија

Милановиќ: Треба да почнеме да градиме систем за противвоздушна одбрана

Милановиќ е против проширување на НАТО кон Украина

Милановиќ: Граѓанска БиХ е невозможна е и не е во интерес на Хрватска

А1он

Милановиќ: Хрватска не ја ослободи НАТО, нема да бидеме овца на колење

Катерина Павлова-Николовска