Баша го обвини Рама за барањето на Холандија за враќање на визниот режим за Албанија

Лидерот на албанската опозициска Демократска партија, Љуљзим Баша, коментирајќи го барањето на Холандија доставено денеска до Брисел за укинување на безвизниот режим за албанските граѓани, директно за тоа го обвини премиерот Еди Рама, јави дописничката на МИА од Тирана.

Според него, по три позитивни препораки за почеток на преговорите, не само што на Албанија нема да и се даде зелено светло, туку напротив, „ќе се редат горчливи вести како оваа денешната“.

– Денес имаме горчлива вест. До Европската комисија официјално Кралството Холандија го достави барањето за враќање на визниот режим за албанските граѓани. Ова е срам, ова е криминал на Еди Рама и неговата банда. Денес сме тука, одлучни да ја однесеме нашата битка до крај. Ова е битка на надеж за секој Албанец, ова е битка за промени за сите луѓе, а не само за неколку луѓе, рече Баша на средба со членови и симпатизери на партијата во Тирана.

Баша порача дека акцијата на опозицијата има за цел да ги отвори преговорите со ЕУ и ги покани приврзаниците и сите граѓани да бидат дел од протестот што обединетата опозиција ќе го одржи во недела, пред Владата во Тирана.

Би можело да ве интересира

Мета: Горд на Харадинај, нема притисок што ќе го скрши државникот и национaлен херој

Мајко: Харадинај поднесе оставка како вистински државник

Татјана Ташкова

Холандската Влада ја прифаќа одлуката на Врховниот суд за делумната одговорност за Сребреница

Врховниот суд на Холандија потврди дека земјата е делумно одговорна за убиствата во Сребреница

Ана Ололовска

Рама до Мета: Избори имавме, а 13 октомври е ден како и сите други

Ана Ололовска

Рикер: САД нема да биде судија во внатрешната политика на Албанија

Ана Ололовска