Арба Кокалари прва европратеничка со албанско потекло во ЕП

Во Европскиот Парлемент првпат ќе има пратеник од албанско потекло. Тоа е Арба Кокалари која се кандидираше во име на Умерената партија на Шведска, која пак освои 17,6 отсто од гласовите, обезбедувајќи четири европратенички места.

За време на кампањата, Кокалари вети дека ќе биде силен глас за интеграцијата на Албанија во Европската унија, мото со кое го побара гласот на Албанците кои живеат во Шведска.

Кокалари е родена во Тирана на 27 ноември 1986 година, била на функцијата меѓународен секретар на Младинскиот форум на Шведската умерена партија и е вклучена во политиката уште на 16-годишна возраст. Дипломирала меѓународно право и европска политика на Универзитетот во Стокхолм.

Емигрирала во Шведска во 1992 година, кога нејзиниот татко бил назначен за амбасадор на Албанија во нордиските и балтичките земји.

На изборите за Европскиот парламент оваа година имаше многу кандидати Албанци кои за европратенички места се тркаа во Грција, Италија, Белгија и Шведска.

Би можело да ве интересира

Мајко: Харадинај поднесе оставка како вистински државник

Татјана Ташкова

ЕП ја повика Русија да ги ослободи сите незаконски притворени Украинци

Ана Ололовска

Рама до Мета: Избори имавме, а 13 октомври е ден како и сите други

Ана Ололовска

Рикер: САД нема да биде судија во внатрешната политика на Албанија

Ана Ололовска

Mета со апел до опозицијата за надминување на политичката криза во Албанија

ЕП со изборот на Урсула фон дер Лејен го избра патот на опуштање на односите со Советот на ЕУ

Ана Ололовска