Антониј Тодоров: Заострување на бугарскиот став кон Северна Македонија, не е во национален интерес на Софија

Од:

Интеграцијата на Западниот Балкан во ЕУ е апсолутен национален интерес на Бугарија и Софија треба активно да работи на тој план, оцени политикологот и професор на Новиот бугарски универзитет, Антониј Тодоров во изјава за Бугарското национално радио.

dobivaj vesti na viber

Како што јави дописникот на МИА од Софија, Тодоров смета дека е потребно одржување на редовен дијалог на високо ниво меѓу Бугарија и Северна Македонија, оценувајќи дека заострувањето на бугарскиот став кон земјава, не е во национален интерес на Бугарија.

Тодоров го смета како правилен ставот на бугарскиот премиер Кирил Петков за нов пристап во преговорите со земјава, потенцирајќи дека историјата е важна, но таа не смее да биде „каменот што ќе и тежи на иднината“.

– Постои ризик да станеме заложници на приказна што не можеме да ја промениме, бидејќи е таква каква што е, додаде Тодоров.

Според него, доколку споровите меѓу Бугарија и Северна Македонија на подолг рок би ја блокирале интеграцијата на земјава во ЕУ, Софија ризикува да западне во целосна изолација во ЕУ, бидејќи „нема доволно силни позиции и мора постојано да објаснува што точно сака“.

– Од двете страни на границата има по едно ВМРО, кое притиска. Но, политичкото лидерство не може да се состои само во прифаќање на она што го сакаат мнозинството од граѓаните, туку напротив на тоа мнозинство мора да му се објасни што е национален интерес на Бугарија, истакна Тодоров, додавајќи дека токму ова ќе биде тест за раководствата и во Бугарија и во Северна Македонија.

Би можело да ве интересира

Бугарскиот премиер Петков заминува во посета на Ватикан и Италија

Ана Ололовска

Во Бугарија ќе се формира аналитичко тело што ќе ги следи дезинформациите во медиумите

Ана Ололовска

Петков и Вархеји на средба во бугарската Влада

Ана Ололовска

Радев на средба со помошник државната секретарка на САД Донфрид

Ана Ололовска

Бугарскиот премиер Кирил Петков ја прими американската помошник-државна секретарка Карен Донфрид

Ана Ололовска

За лебот во Бугарија ќе се воведе 0% ДДВ, а пензиите ќе се зголемат за 20%