Анкара со остра реакција на американските антитурски санкции

Од:

Официјална Анкара го осуди усвојувањето на законот за американски санкции против Турција, со образложение дека се работи за непочитување на нејзините суверени одлуки.

Комитетот за надворешни односи на Сенатот на САД вчера изгласа закон за одбрана, со кој се повикува на санкции за Турција поради набавката на противракетниот систем С-400, пренесува Анадолија.

„Најновите обиди забележени во двата дома на американскиот Конгрес, а кои исто така ги поддржаа и некои кругови против Турција, претставуваат нов инцидент на непочитување на нашите суверени одлуки за нашата национална безбедност“, се наведува во соопштението на Министерството за надворешни работи на Турција.

Во соопштението од турското МНР се посочува дека се свесни дека Комитетот за надворешни односи на Сенатот го усвоил законот со кој се наметнуваат санкции на Турција поради операцијата „Извор на мирот“ и рускиот противракетен систем С-400.

Турското Министерство го повика американскиот Конгрес да заземе конструктивен став кон развојот на турско-американските односи за да не бидат „загрозени заедничките цели на двете земји“.

Би можело да ве интересира

Турција подготвена да соработува со сите страни заради обнова на мирот на Блискиот Исток

Анонимус Грција тврдат дека хакирале турски сајтови

Турски хакери нападнаа грчки владини сајтови

Со кауција ослободени новинарите на Анадолија

Предраг Петровиќ

Акцијата на египетските безбедносни сили е длабоко загрижувачка и неоправдана

Предраг Петровиќ

Агенцијата „Анадолија“ упати апел до властите во Египет за ослободување на нејзините вработени

Ана Ололовска