Анагностопулу: Со суштински и стабилни чекори се спроведува Договорот од Преспа

Од:

Со многу суштински и стабилни чекори се спроведува Договорот од Преспа, вели алтернативната министерка за надворешни работи на Грција, Сиа Анагностопулу за грчката новинска агенција АНА-МПА во однос на одржаниот прв состанок на Меѓународната група на експерти меѓу двете земји, јави дописничката на МИА од Атина.

Анагностопулу објаснува дека улогата на групата е да е да се испитаат и да се решат можните разлики меѓу бизнис заедниците од двете земји за трговските ознаки, имиња и сл.

-Што значи сето ова? Дека Грција, со Договорот од Преспа, го отвори патот за „дебалканизација“ на било кои проблеми и разлики во регионот, дека ја има обезбедено потребната средина за дијалог што носи развој на локалните заедници во клима на консензус, дека ги сруши на ѕидовите ревизионизмот и неплодната политичка на интроверзија на минатото, вели Анагностопулу за АНА-МПА.

Како што соопштија од министерствата за надворешни работи на двете земји, во саботата во Скопје се одржа првиот пленарен состанок на Меѓународната група на експерти, под раководство на шефот на делегацијата на Република Северна Македонија, проф. Ѓорѓи Филипов и на шефот на делегацијата на Хеленската Република, проф. Фотини Папартис, на која двете делегации разменија мислења и разговараа за Деловникот за работа на Меѓународната експертска група, имајќи ги предвид заклучоците од претходните состаноци што се одржаа во Солун.

Следната средба ќе се одржи во Атина, на датум кој претходно ќе биде усогласен, а по можност да се одржи во првата недела од ноември 2019 година.

-Меѓународната експертска група ги охрабрува бизнис заедниците на двете земји да го започнат својот дијалог во духот на Преспанскиот договор, пишува во соопштенијата од министерствата за надворешни работи на двете земји.

Би можело да ве интересира

Односите меѓу С. Македонија и Грција во нагорна линија во 2021 година

Ана Ололовска

Радев до Мицотакис: Договорот од Преспа и Договорот за пријателство да станат дел од преговарачката рамка на Северна Македонија со ЕУ

А1он

Дендиас: Проблемите на Договорот од Преспа се очигледни, но договорите мора да се почитуваат

Ана Ололовска

Ципрас му се заблагодарил на папата Франциск за споменувањето на Договорот од Преспа

Ана Ололовска

Иконому: Се покажува дека е правилен изборот да не брзаме со ратификација на Меморандумите со С. Македонија

Ана Ололовска

Пендаровски: Добив потврда дека Грција го почитува Договорот од Преспа и сака целосна имплементација

А1он