Албин Курти официјално ја презеде должноста премиер на Косово

Од:

Новиот косовски премиер, Абин Курти, претпладнево официјално, со државна церемонија, ја презеде функцијата од досегашниот вршител на должноста шеф на Владата, Авдулах Хоти.

Церемонијата на примопредавање на должноста беше одржана пред зградата на Владата, каде што беше изведена државната химна и беше построена свечената гарда на Безбедносните сили на Косово.

Според агендата на денешните активности на Курти, што ја објави владината служба за информирање, во 11.30 часот тој ќе ја одржи првата седница на новата Влада, по што ќе замине за Преказ, каде што ќе го посети Меморијалниот комплекс „Адем Јашари“. За попладне е предвидена средба со шефот на Канцеларијата на Европската унија во Приштина, Томаш Суниог.

Собранието на Косово синоќа, со 67 гласа „за“, 30 „против“ и ниеден воздржан, го изгласа лидерот на Движењето Самоопределување, Албин Курти за нов премиер и го усвои неговиот предлог за состав на Владата. Кабинетот на Курти има 18 члена, од кои тројца вицепремиери.

Би можело да ве интересира

Приштина прогласи за „персона нон грата“ двајца руски дипломати

А1он

Топ чанел: Министерката Грвала отворено побара сојуз меѓу Албанија и Косово против Србија

А1он

Стоев: Судирите во Косово ја покажаа нестабилната ситуација во регионот

А1он

Борел: Само дијалогот под медијаторство на ЕУ е решение за Србија и Косово

А1он

Првични резултати во Косово: Во 19 општини избран градоначалник во прв круг

ЦИК: На локалните избори во Косово излезноста е 42,85 отсто

А1он