Албин Курти допатува во Тирана за да им искаже поддршка на студентите

Од:

Лидерот на косовското движење „Самоопределување“, Албин Курти допатува во Тирана, за да изрази поддршка на студентските протести, на кои од денеска им се прдружја и професорите.

Како што јави дописникот на МИА, Курти имаше средба со студенти и професори на Факултетот за социолошки науки, кои ги охрабри да истраат во нивните напори.

„Победите во историјата на општеството доаѓаат со издржливост. Активноста ја почнав токму на чело на студентските протести во Косово. Протестите на студентите се праведни кога со нив се и професорите. Студентското незадоволство и протестте не се за потсмев. Во Косово со посебно внимание ги следевме вашите протести. Со вашите протести доаѓа пролет. Овој протест е против привилегиите што ги имаат богатите“, изјави Курти.

Тој смета дека албанското општество треба да се трансформира.

„Во прашање е иднината на албанското општество. Ве повикувам да имате консолидирана организација. Организираноста ве прави посилни. Образованието не е луксуз“, посочи Курти.

Албанските студенти повеќе од две недели протестираа пред Нова година. Тие ги прекинаа протестите поради божиќните и новогодшни празници, но од 7 јануари продолжија со протестните собири, при тоа „запоседнувајќи“ ги факултетите.

Студентите, исто така не им дозволуваат на службениците од Министерството за образование и Министерството за финансии да влезат во зградите на факултетите.

Професорите денеска им се придружја на студентите во протестите, откако по дадениот рок на Владата да го укине новиот закон за високо образование, не добија одговор.

Би можело да ве интересира

Рама за „Ајриш Тајмс“: Не сум оптимист за почеток на преговорите

Татјана Ташкова

ВИДЕО: Заев, Вучиќ и Рама усвоија Декларација за слободен проток на стоки, услуги и луѓе

Ана Ололовска

Во Нови Сад трилатерална средба на Заев, Вучиќ и Рама

Ана Ололовска

Рама ја пофали македонската опозиција, а ја обвини албанската за разлничните ставови на земјите во ЕУ

Ферај: За национално обединување нема потреба од договор со Албанија, косовските симболи ќе ги замениме со албанските

Ана Ололовска

Заев попладнево ќе отпатува во Србија, утре во Нови Сад на состанок со Вучиќ и Рама

Ана Ололовска