Албанскиот специјален суд и обвинителство ќе ги обезбедува Националната гарда

Од:

За безбедноста на Специјалниот суд и Специјалното јавно обвинителство за корупција и организиран криминал (СПАК) ќе се грижат припадниците на албанската Национална гарда.

dobivaj vesti na viber

Во одлуката на Владата, која стапува во сила по објавувањето во службен весник стои дека „службите на државната полиција ќе бидат заменети со припадници на националната гарда“.

Ваквиот чекор на Владата се поврзува со започнатата истрага што Специјалниот суд ја побара од СПАК за 20 лица кои моментално живеат во Албанија, а се осомничени дека се дел од терористичка келија.

Припадници на Гардата веќе ги обезбедуваат двете институции за ветинг (проверка ) формирани по реформите во правосудството, Независната квалификациска комисија и Специјалниот апелациски колегиум.

Станува збор за поранешни членови на иранската муџахединска организација кои се отцепиле од оваа организација и кои сега се осомничени дека извршувале забранети активности на територијата на Албанија во име на Терористичката организација на Револуционерната гарда на Иран и тамошните тајни служби.

Претреси во нивните живеалишта беа извршени на 14 минатиот месец а ден потоа се случија кибернападите врз онлајн јавните услуги и другите владини веб-страници, кои вон функција беа три недели.

Зад кибернападите врз е-Албанија, како што деновиве објави „Мандиант“ водечка американска компанија, која се занимава со прашања од областа на кибербезбедноста, стојат проирански хакери а деновиве во Тирана пристигна група на ФБИ и се вклучи во истрагата.
Припадници на гардата веќе ги обезбедуваат Независната квалификациска комисија и Специјалниот апелациски колегиум, две институции за ветинг (проверка ) формирани по реформите во правосудството.

Извор: МИА

Би можело да ве интересира

Рама: Прекинот на односите со Иран не е голема загуба за Албанија

А1он

Трговец со луѓе од Валона заработувал милион евра неделно: Разоткриена мрежа на албански шверцери

А1он

Мета: Одлуката за прогласување на Бериша „нон грата“ е дело на Баша и Рама

Ана Ололовска

Рама: Ништо не го менува ставот на Албанија дека Србија треба да го признае Косово

Ана Ололовска

Во Албанија инфлацијата во август изнесувала осум проценти

Ана Ололовска

Албанија почна со затворање на средните училишта поврзани со Фетулах Ѓулен

Ана Ололовска