Албанската Влада го доби личниот авион на Ердоган

Од:

Турската Влада и го отстапи на албанската влада авионот што до пред една година го користел претседателот Реџеп Таип Ердоган.

– Турскиот владин авион „Ербас А319“ е предаден на албанската влада. Авиониот за кој станува збор сега се наоѓа во Виена и му е смената бојата од црвено-бела на турското знаме во црвено-црна боја од албанското знаме, пренесува Abcnews.al и објави фотографии од истиот.

Медиумот наведува дека со овој авион Ердоган повеќе од еден час летал околу Истанбул вечерта на 15 јули 2016 година, кога турските власти го спречија, како што го нарекуваат, обидот за обид за државен удар.

Истиот извор посочува дека ова е последниот „подарок“ од претседателот Ердоган за премиерот Еди Рама и додава дека односите меѓу Рама и Ердоган се доста блиски, дури „изгледа дека се зајакнуваат од ден на ден со договори меѓу двете влади“.

Оценува дека еден од најголемите проекти е оној на „Ер Албанија“, компанија, која, по многуте одложувања на стартот, успеа да полета три авиони.

-Засега нема податоци врз какви услови бил даден авионот и за што ќе се користи од албанската влада. Сепак факт е дека секогаш кога ќе добиеме такви „подароци“, Албанија е принудена да врати нешто,констатира abcnews.

Би можело да ве интересира

Ковид-19 во Албанија ќе го достигне врвот следната недела

Ана Ололовска

Во Албанија регистрирани нови 29 случаи со Ковид-19, вкупно заразени 333 лица

Ана Ололовска

Албанија: Околу 500 затвореници добија привремени дозволи за излез поради Ковид-19

А1он

Во Албанија уште една жртва од Ковид-19

А1он

Рама:Да го одржуваме отпорот,економијата паѓа и повторно се крева, мртвите не оживуваат повторно

А1он

Баша бара тестирањето за Ковид-19 да биде приоритет како во Македонија

Ана Ололовска