Албанија пред ново заострување на мерките, се зголемува времетраењето на полицискиот час

Од:

По повеќедневниот зголемен број на новозаразени, што надминува илјада случаи и високиот број на хоспитализирани, што услови отворање во Елбасан на третата регионална ковид болница, Албанија е пред ново заострувањ ена мерките и продолжување на времетраењето на полицискиот час.

За тоа одлука денеска треба да донесе Комитетот на експерти, а се дознава дека полицискиот час ќе биде зголемен за два часа и тоа од 18 до 6 часот.

Полицискиот час во земјата повторно беше воведен на 11 ноември и тоа од 22 до 6 часот наутро, а поради влошената епидемиолошка состојба на 10 овој месец времетраењето беше зголемено и тој почнува во 20 часот.

Индиректна најава за тоа е денешната објава на министерката за здравство Огерта Манстирлиу, во која таа искажува признание за белите мантили за нивната пожртвуваност и побара поголема солидарност од граѓаните.

„Благодарност за пожртвуваноста, трпеливоста и посветеноста на целиот медицински персонал што е на првата борбена линија со Ковид-19. Тешкиот период низ кој минуваме не повикува на поголема солидарност, да им пружиме рака на лекарите и медицинските сестри насекаде во Албанија, почитувајќи ги анти-ковид правила за да се скинат што повеќе алки од синџирот на инфекции“, напиша Манастирлиу.

Би можело да ве интересира

Во Драч запленети 140 килограми кокаин скриен во контејнер за банани

Србија се поблиску до колективен имунитет, вакцинирани речиси три милиони граѓани

А1он

Бразил е во „вистински пекол“ со коронавирусот, алармира СЗО

Жарко Настоски

Унгарија: Светска и олимписка шампионка во стрелаштво почина од Ковид-19

Жарко Настоски

Актерот Бенeдикт Камбербач е уверен дека тој бил нултиот пациент со коронавирусот

Жарко Настоски

Србија размислува за воведување задолжителна вакцинација на здравствените работници

Ана Ололовска