Албанија: Останува полицискиот час и другите анти-ковид мерки

Од:

Комитетот на експерти за справување со пандемијата одлучи полицискиот час и другите ограничувачки мерки во Албанија да продолжат и во следните две недели.

Мира Ракацоли, претседателка на Комитетот и заменик министерка за здравство рече дека сите мерки ќе останат на сила и покрај достигнувањата во последните две недели со кампањата за вакцинација, што ја направила Албанија прва земја во регионот според стапката на вакцинација.

-Сметаме дека мерките предложени од Комитетот се ефикасни и целиот овој резултат доаѓа како резултат на соработката на дел од граѓаните со почитување на мерките, но како едно од најголемите достигнувања е успешниот тек на масовната вакцинација. Сакав да потенцирам дека Албанија во последните 10 дена го зазема првото место во регионот според стапката на вакцинација, рече Ракацоли.

Сепак, додаде и покрај достигнувањата, ситуацијата не е таму каде што треба да биде и затоа оценка на Комитетот е мерките да останат на истото ниво како порано.

-Тоа значи, дека полицискиот час, воведен од 11 ноември 2020 година, продолжува и ќе трае како и до сега од 20:00 до 6 часот, продолжува и наставата од далечина за универзитетите и другите нивоа на образование, освен за матурантите како и забраната за летови кон Велика Британија. Продолжува и забраната за групирање на повеќе од 10 лица, посочи таа.

Директорката на Институтот за јавно здравје Албана Фицо, која е член на комитетот, информираше дека процесот на вакцинација продолжува со зацртаната динамика и оти до сега се имунизирани околу 220 илјади лица, од нив 120 илјади постари лица од 75 години.

Би можело да ве интересира

Турските лекари излегоа на протест против владата, бараат построги мерки

Жарко Настоски

Коронавирусот носи десетпати поголем ризик за згрутчување на крвта отколку вакцината

Жарко Настоски

Норвежанец кој ширеше теории дека коронавирусот е обична настинка, почина од Ковид-19

Жарко Настоски

Нов црн рекорд во Индија – речиси 185.000 новозаразени со коронавирусот во последниот ден

Жарко Настоски

Состојбата со коронавирусот во земјите од Западен Балкан е алармантна, предупредува СЗО

Жарко Настоски

Ле Мер: Олеснувањето на анти-ковид мерките во Франција е можно на 15 мај

Ана Ололовска