Албанци купуваат скапи куќи во Превеза и Теспорти, јавија грчките медиуми, додавајќи оти тие купуваат куќи за одмор, главно на крајбрежјето.
Според медиумите, кои се повикуваат на агенцијата за посредување во продажбата во последно време значително се зголемиле барањата за купување скапи куќи на крајбрежјето кај Теспорти и Превеза.
-Албанците купуваат без многу пазарење и дискусии, велејќи дека се економски стабилни и оти располагаат со големи финансиси средства, изјавија претставници на агенцијата.
Инаку откако албанскиот премиер Сали Бериша во Валона зборуваше за Албанија од Превеза до Подгорица, од Прешево до Скопје, сопствениците на маслинови насади почнаа да протеруваат албански работници од нивните имоти и бизниси, во знак на протест.