Адвокатот на Каили: Парите што беа најдени во нејзиниот дом, а ги донел нејзиниот партнер, не знаела дека постојат

Од:

Позицијата на Каили е дека парите што беа најдени во нејзиниот дом, а ги донел нејзиниот партнер, не знаела дека постојат, а кога дозна, без да знае од каде потекнуваат, побара да бидат отстранети и да му бидат дадени на сопственикот, вели адвокатот на Ева Каили, Михалис Димитракопулос за грчката телевизија „Скај“, јави дописничката на МИА од Атина.

Димитракопулос, заедно со двајца адвокати од Белгија се правните застапници на, сега веќе поранешната, потпретседателка на Европскиот парламент, а во интеревјуто за „Скај“ објасни дека во изминатите два дена телефонски разговарал со Каили и ја повтори нејзината позиција дека не е виновна и нема никаква врска со парите.

Кога ги открила парите во нејзиниот стан, според адвокатот, побарала од нејзиниот партнер да му ги пренесе на лицето на кое му припаѓаат, а во процесот на пренесување бил вклучен и татко ѝ.

Адвокатот истакна дека не може да го открие ниту името на сопствениот, ниту точниот износ и додаде дека никој не знае дека парите потекнуваат од Катар.

-За сите прашања постојат одговори, но постои договор со другите двајца адвокати од Белгија да се задржи доверливоста на процесот, рече адвокатот.

Со оглед на тоа дека за денеска е закажано сослушувањето и одлуката на судот дали Каили ќе биде притворена или ослободена, Димитракопулос откри дека поради штрајк во Белгија, постои веројатност поранешната потпретседателка на ЕП да не може да стигне до судот, па нејзините адвокати да побараат одложување за следниот вторник.

Во однос на патувањата и средбите во Катар, Кувајт и Оман, адвокатот на Каили истакна дека посетите биле по одлука и наредба на претседателката на Европскиот Парламент, во рамките на централната политика на ЕУ со земјите од Заливот.

Извор: МИА

Би можело да ве интересира

Кајли во затвор работи за 0,75 евра на час

Ева Каили ќе остане во притвор уште еден месец

Ана Ололовска

Катар уште еднаш негираше вмешаност во корупцискиот скандал во Европарламентот

Ана Ололовска

Ева Каили, кај која се најдени „торби со пари од Катар“, обвинета за проневера

Ана Ололовска

Сопругот на уапсената Ева Каили од Европскиот парламент призна: Зедовме поткуп од Катар

Ева Каили останува во затвор уште една седмица