Пред 17 години на 21 ноември е потпишан Дејтонскиот договор со што заврши тригодишната војна во Босна и Херцеговина (1992-1995).
Договорот е потпишан во воената база Рајт-Патерсон во близина на американскиот град Дејтон од страна на тројцата политички лидери на Србија, на Бих и на Хрватска – Слободан Милошевиќ, Алија Изедбеговиќ и Фрањо Туѓман.
Правниот акт е парафиран во присуство на тогашниот државен секретар на САД, Ворен Кристофер и на главните американски посредници Ричард Холбрук и генерал Весли Кларк.
Дејтонскиот договор односно Општиот рамковен договор за мир официјално е потпишан на 14 декември 1995 година во Елисејската палата во Париз, со што БиХ официјално стана држава со два ентитета – Република Српска и Федерација БиХ.
Денот на воспоставување на Општ рамковен договор за мир во БиХ е 21 ноември и е празник и два дена се неработни во РС, но не и во Федерацијата БиХ.