120.000 млади Грци во еден ден се пријавија за државни ваучери од 150 евра, во замена за вакцинација

Од:

Само еден ден по отворањето на платформата „Freedom pass“ веќе се пријавиле 120.000 вакцинирани млади Грци на возраст од 18 до 25 години, кои ќе добијат ваучер од 150 евра за патувања, одмор или забава.

dobivaj vesti na viber

Грчкиот премиер Кирјакос Мицотакис преку „Твитер“ соопшти дека се доставени 120.000 барања и паралелно, ги повика младите да се вакцинираат.

-Биди и ти дел од големиот национален обид за заштита на јавното здравје. Закажи термин за вакцинација, напиша Мицотакис.

На крајот од минатиот месец беше соопштено дека Грците на возраст од 18 до 25 години, кои веќе се вакцинирале или ќе се вакцинираат до крајот на годинава, ќе добијат ваучер „Freedom pass“ односно електронска припејд-картичка што ќе можат да ја користат за туристички или културни активности.

Ваучерот е наменет за околу 940.000 млади луѓе од земјата, кои ќе можат да го искористат за патувања низ Грција, односно да купат билети за авион, брод или воз, да си ги покријат трошоците за сместување или пак да посетат културни настани, да следат кино проекции, театарски претстави, концерти итн.

Би можело да ве интересира

УНХЦР стравува дека во потонатиот чамец во близина на Родос загинале десетици бегалци и мигранти

Ана Ололовска

ВИДЕО: Голем шумски пожар на грчкиот остров Тасос

Ана Ололовска

Намалена невработеноста во Грција

А1он

Стајкурас: Грција по 12 години се враќа во европската нормала и повеќе не е исклучок во еврозоната

Промени во начинот на работење на Националната служба за разузнавање на Грција

А1он

Спасувачка акција во близина на грчкиот остров Родос, спасени 29 лица

Катерина Павлова-Николовска