Опозициското здружение „Еден од пет милиони“ соопшти денеска дека продолжувањето на договорите на генералните директори на Радио-телевизија Србија (РТС) и Радио Телевизија Војводина (РТВ), и покрај исполнувањето на условите за пензија, се награда за измамата на граѓани, како и отсуство на навременото и објективното информирање и „нетранспарентност во работата“.
Во соопштението на „Еден од пет милиони“ се наведува дека оваа недела РТС го „продолжи договорот за работа на Драган Бујошевиќ до истекот на мандатот на 5 мај 2020 година“, иако тој уште во јануари, со наполнувањето на 65 години ги „исполнил условите за заминување во старосна пензија”.
Исто така, се наведува дека Управниот одбор на РТВ во 2016 година на позицијата на генерален директор го избра Миодраг Копривица, „иако и тој во моментот на назначувањето на петгодишниот мандат ги исполнил условите за заминување во старосна пензија“.
„Еден од пет милиони“ прашуваат дали со продолжување на договорите на генералните директори на РТС и на РТВ, „ги имаат задолжено овие јавни сервиси да бидат незаменливи на своите функции и по стекнување на условите за заминување во пензија”, се вели во соопштението, во кое се додава дека работата на јавните сервиси се финансира од страна на граѓаните преку месечна претплата и дека во нивен најдобар интерес е Бујошевиќ, Копривица и нивните соработници да „поднесат оставки”.