Американец од Калифорнија живеел три месеца на Меѓународниот аеродром „О’Хер“ во Чикаго, оти се плашел да влезе во авион поради корона-пандемијата.
Адитја Синг (36) бил откриен пред два дена. Против него вчера е покренато обвинение за незаконски престој во забрането подрачје на аеродромот и за прекршочна кражба.
Кога бил забележан од надлежните, тој им рекол дека живее во Лос Анџелес (на другиот брег на САД), но бил премногу исплашен за да се врати дома. Инаку, тој е дипломиран угостител и е невработен.