Ворнер брос: „Џокерот“ не е херој

Од:

Новиот филм на Ворнер брос, „Џокер“ веќе предизвикува контроверзии поради психолошкото портретирање на развојот на еден сериски убиец.

Имено, некои луѓе сметаат дека ваквите психолошки драми поттикнуваат насилство. Во градот Аурора, Колорадо, САД, 2012 се случи оружен напад во кино за време на прикажување на „Бетмен: Воздигнувањето на црниот витез“, при што беа убиени 82 лица. Џокерот е лик од франшизата за Бетмен, па некои луѓе, потсетувајќи на тој масакр, повикуваат на претпазливост.

Обвинувањата одат и дотаму дека со овој филм продукциската куќа промовира насилство. Компанијата преку соопштение ги отфрла овие наводи.

– Да нема забуни. Ниту измислениот лик Џокер, ниту филмот претставуваат глорифицирање на насилството од каков било вид. Филмот нема такви намери, а филмаџиите не сакаат да го претстават овој лик како херој, соопшти Ворнер брос.

Филмот „Џокер“ е означен со ознаките „Р“, „18 плус“ и слично.

Семејства на загинати во нападот во Аурора испратија писмо по повод премиерата на филмот. Во него тие го поддржуваат правото на слобода на изразување на продукциската куќа, но истовремено и ја повикуваат да ја потврди поддршката на движењето за поголема контрола на огненото оружје.

„Џокер“ е прогласен за најдобар филм на годинешниот Филмски фестивал во Венеција. Во кината ќе почне да се прикажува од 4 октомври.

Би можело да ве интересира

Двојката која никој не ја сакаше во „Пријатели“: Зошто Џои и Рејчел требаше да бидат во врска?

Ана Ололовска

(ВИДЕО) Џеј Ло во жешка сцена за која сите зборуваат: Жено гориш!!!

Татјана Ташкова

Полански: За сè е виновен Харви Вајнстин

Ана Ололовска

„Ирецот“ е најдобар филм за годинава, според њујоршките филмски критичари

Ана Ололовска

Избрани филмовите кои најмногу влијаеле во претходната деценија

Ана Ололовска

Четворица режисери кои Холивуд „ги избрка“ сакаат да се вратат

Ана Ололовска