Во Париз се продава револверот со кој се уби Ван Гог

Од:

Револвер од марката „Лефошо“, со кој холандскиот сликар Винсент Ван Гог сакаше да изврши самоубиство на 27 јули 1890 година во француското место Овер – сир – Оаз, во среда ќе биде на аукциска продажба во Париз.

Аукциската куќа Оксион Арт ќе го понуди револверот, кој се проценува од 40.000 до 60.000 евра.

Ван Гог по две години поминати на југот од Франција, на 20 мај 1890 година се пресели во Овер-сир-Оаз, северно од Париз, по совет на својот брат Тео.

Лекарот Пол Гаше, пријател на импресионистичките сликари, се грижеше за холандскиот уметник кој тогаш имаше чести психолошки кризи.

Сликарот изнајми соба во гостилницата Артура Рава. Тогаш беше на врвот на својата кариера, сликајќи едно дело дневно.

Ван Гог на 28 јули 1890 година излегол на прошетка по околната ливада и се обидел да се убие со револвер што го земал од гостилницата. Меѓутоа, револверот му се лизнал од рака и тој паднал во несвест. Се разбудил вечерта и така ранет тргнал кон гостилницата. Ван Гог почина по два дена.

Оружјето во 1960 година го најде еден земјоделец на имотот и го предаде на сегашните сопственици на гостилницата Рава.

Револверот, кој е многу оштетен, беше закачен над пултот и потоа изложен во музејот посветен на Ванг Гог во 2016 година во Амстердам. Според анализите на стручњаците, оружјето долго време било во земја и се претпоставува дека било фрлено во 1890 година.

Американските научници, пак, во 2011 година бранеа друга теза, според која Ван Гог не се убил, туку бил ранет при случајно пукање на некои млади луѓе кои си играле со оружје.

Ван Гог (1853-1890), кој почина на 37 години, е еден од најголемите сликари на постимпресионизмот и еден од најценетите сликари воопшто.

Би можело да ве интересира

Марк Нопфлер ја продава својата колекција гитари

Активисти фрлија супа од грашок врз сликата на Винсент ван Гог „Сејачот“

(ВИДЕО) Скандал во Националната галерија: Фрлена супа од домати врз ремек дело на Ван Гог вредно над 72,5 милиони фунти

А1он

Дрес на Марадона на аукција – почетна цена 4.000.000 фунти

А1он

Фотографија од Мен Реј на аукција по почетна цена од рекордни пет милиони долари

А1он

Најголемиот црн дијамант продаден за 3,8 милиони евра

Ана Ололовска