Во Мексико пронајдено сидро од времето на конквистадорите

Од:

Поморски археолози близу брегот на Мексиканскиот Залив пронајдоа две железни сидра стари 500 година, кои можат да откријат нови сознанија за шпанската инвазија на американскиот континент.

Претпоставките говорат дека сидрата ѝ припаѓале на флотата на Шпанецот Ернан Кортез, кој го покорил Ацтечкото Царство во 16. век. Во таа област минатата година е откриено уште едно дрвено сидро со потекло од Шпанија.

Сите три сидра се пронајдени северно од пристаништето Веракруз. Кортезовата флота во 1519 година се сместила токму таму, каде што бил изграден тогашниот град Виља Рика.

По 1521 година, т.е. по победата над Ацтеките, градот се претворил во прилично прометно пристаниште. Археолозите се надеваат дека откритието ќе води до уште повеќе подводни пронајдоци поврзани со шпанската инвазија. Досега се посочени 15 можни локации на кои се наоѓаат други остатоци од бродовите.

– Освојувањето на Мексико било исконски настан во историјата на човештвото, а бродските трупови, ако ги пронајдеме, ќе бидат симбол на судирот на културите кои денешниот запад ги довел до она што денес претставува сè тоа, нагласи поморскиот археолог Фредерик Ханселман.

Се верува дека Кортез ги уништил бродовите така што или ги запалил или пак, намерно ги потопил, за да спречи екипажот да се повелече од мисијата.

Претседателот на Мексико, Андрес Мануел Обрадор претходно оваа година побара од Шпанија да се извини на мексиканските староседелци поради злосторствата при средновековната инвазија.

Би можело да ве интересира

Норманите стигнале до Северна Америка во 1021 година

Ана Ололовска

Стапки стари 23.000 години откриени во САД

Ана Ололовска

Во Турција откриен најстариот мозаик во светот

Ана Ололовска

По реставрацијата, Јужната гробница во Сакара достапна за јавноста

Ана Ололовска

Локалитетот Стамер прогласен за природна реткост

А1он

Фотографии од златен археолошки наод во Неготинско наскоро на изложба

А1он