Виното „Мерло“ и „Каберне Совињон“ од МВС, вратено на Земјата

Од:

Вкупно 12 шишиња француско вино и 320 примероци винова лоза се вратени во Бордо, на југозападот од Франција, по неколку месеци минати на Меѓународната вселенска станица (МВС) како дел од научен експеримент.

Истражувачот Никола Гом изјави дека ова е првата програма за истражување на вселенската средина за да се исполнат предизвиците на идното „вселенско земјоделство“, со помалку питка вода. Шишињата вино се чуваа во МВС во исти услови како и на Земјата, само без гравитација.

– Кога условите на Земјата се пресликуваат во Вселената, на пр., на МВС, единствениот параметар што се менува е скоро нултата гравитација. Тоа го изложува животот на МВС на огромен стрес. Растенијата кои се изложени на нови околности може да развијат поголема отпорност на некои појави, како што се климатските промени на Земјата, вели Гом.

– Она што го учиме во винската индустрија, планираме да го развиваме и на други полиња на земјоделството, додаде тој.

Виното, како и примероците од винова лоза од која се прават славните вина „Мерло“ и „Каберне Совињон“, беа вратено на Земјата на 13 јануари. Шишињата потоа беа пренесени во Бордо, каде што ќе се споредат со други вина кои ги имаа истите услови за чување на Земјата.

Би можело да ве интересира

Секоја година, 5.200 тони вселенски прав паѓаат на Земјата

Ана Ололовска

Ракета „Сојуз“ полета во чест на Гагарин кон МВС

Ана Ололовска

Русија потврди соработка во вселената со САД до 2030 година

Ана Ололовска

ВИДЕО: Лансирани 36 британски сателити со руската ракета „Сојуз“

Ана Ололовска

Метеороид прелета над САД со благ, но морничав татнеж

Ана Ололовска

Роверот „Истрајност“ за првпат се придвижи, во кратерот на Марс именуван по босанско село

Жарко Настоски