ВИДЕО: Во Австралија откриено чоколадо од пред Илинденското востание, сосема добро за јадење

Од:

Метална кутија со чоколадо, која му припаѓала на австралискиот поет Бенџо Патерсон, е пронајдена неодамна, а според извештаите, неверојатно е тоа што почнала да се распаѓа фолијата во која е завиткана, но чоколадата е во сосема добра состојба и може да се јаде, иако е произведена во 1900 година.

Лимената кутија во која било најдено чоколадото старо 121 година била дел од редовните оброци на војниците во Бурската војна во Јужна Африка. Кога е откриена, била речиси недопрена и во совршена состојба. Самото чоколадо и натаму имало специфичен, но пријатен вкус и мирис и било сосема добро за јадење, велат научниците кои го истражувале.

„Беше интересен мирисот, кога ја отворивме кутијата. Сфативме дека всушност се работи за чоколадо, кое било добро спакуванo и завитканo,“ изјави Џенифер Тод од Националната библиотека на Австралија.

Пакувањата наменети за британските војници на бојното поле во Африка ги испратила и потпишала лично кралицата Викторија, тогашниот монарх во Обединетото Кралство. Направени се вкупно 35 тони чоколадо, кај познатиот произведувач „Кедбери“, кое било спакувано во посебни лимени кутии на чија позадина се втиснати зборовите: „Јужна Африка 1900. Би посакувам среќна Нова година“.

Би можело да ве интересира

Новитет на Халкидики: Црна пица

Ана Ололовска

Британска веганска компанија нуди 50.000 фунти за тримесечен пост

Ана Ололовска

Пандемијата ја поскапува храната – светските цени растат седум месеци по ред

Жарко Настоски

Храна која е лоша и нездрава за бебињата

Белгиецот Пјер Марколини е најдобар слаткар во светот

Ана Ололовска

Медузата можна замена за вообичаените морски специјалитети

Ана Ололовска