ВИДЕО: Пума луташе низ испустениот Сантијаго за време на полициски час

Од:

Дива пума, во потрага по храна, се спушти од планините околу Сантијаго и се прошета низ празните улици на чилеанскиот главен град, во време кога во него е во сила полициски час поради корона-пандемијата.

Животното е фатено вчера, по интервенција на полицијата, Службите за земјоделство и сточарство (САГ) и тим од градската Зоолошка градина.

– Ова некогаш било нивно природно живеалиште, од кое ние сме ги потиснале… Пумата не е повредена и е здрава, истакна Марцело Џијањони, регионален директор на САГ. Денес во Сантијаго има скоро седум милиона жители.

Пумата е една година стара и е тешка 35 килограми. Пренесена е во зоолошката, каде што стручните лица треба да ја прегледаат.

Владата во Чиле во неделата воведе полициски час поради ширењето на коронавирусот. Во земјата до вчера биле заразени 922 лица, а две се починати. Претходно, Чиле ги затвори своите копнени, морски и воздушни граници.

Би можело да ве интересира

ВИДЕО: Диви кози го запоседнаа велшкото гратче Ландудно

Ана Ололовска

Гром уби четири горили од загрозен вид

Ана Ололовска

Брижит Бардо ќе помoгне мечето Теди кое живееше во стар кафез во Штип да отпатува од земјава

Мери Јордановска

Горило со „човечки“ прсти

Ана Ололовска

„Градинка за кучиња“ во Јужна Кореја

Ана Ололовска

Хуманитарен Новогодишен базар „Топли срца – ладни шепи“

Татјана Ташкова