ВИДЕО: „Летачкиот човек“ си вгради оружје до главата

Од:

Британскиот пронаоѓач, „летачкиот човек“ Ричард Браунинг во 2017 година, преку својата компанија Гравити.ко го претстави костим-леталото „Џет-пек“ инспирирано од суперхеројот Ајронмен. Сега, со помош на Јутјуб-ѕвездата Џејмс Бретон го опреми својот „костим” и со автоматско оружје што се управува со движење на главата.

Поради безбедносни причини, за изработката на прототипот не е користена права пушка, туку вештачка, со пластични сачми. Без оглед на тоа, на конструкторите им било важно да докажат дека леталото може да се користи и како воено оружје.

Браунинг, со својот пронајдок пред две години постави и Гинисов рекорд летајќи со брзина од 51,53 километри на час. Но, притоа целиот погонски систем е сместен на рацете на пилотот.

Поради управувањето, пак, рацете не може да се користат за други функции, како на пр., снимање и пукање со оружје. Се чини, и тој проблем е решен. Имено, Бретон во кацигата вградил сензор што забележува во која насока гледа пилотот и, препознавајќи ги движењата на човекот, да командува со системот за управување со оружјето.

Следно што треба да се осмисли е заштитна преграда меѓу оружјето и увото, доволно силна да спречи оштетување на слухот поради рафалите на автоматската пушка.

Би можело да ве интересира

ВИДЕО: Бразилска старлета ги покажа градите на фудбалски натпревар

Ана Ололовска

„Климатски протести“ – збор на годината

Ана Ололовска

Јапонци заработиле пет милиони долари со користени поштенски марки

Ана Ололовска

На убавите луѓе им е тешко да одржат долга врска, сега е познато и зошто

Ана Ололовска

Преку роаминг, орел направил огромна сметка, но долгот ќе му биде простен

Ана Ололовска

ВИДЕО: Руската православна црква објави конкурс за реално шоу во манастир

Ана Ололовска