ВИДЕО: Кина создаде воз „маглев“ што развива брзина од 600 км/ч

Од:

Кина денес го претстави новиот брз воз „маглев“ (кратенка од магнетна левитација), што, според конструкторите, може да развие брзина од 600 километри на час.

Возот е развиен и произведен во Кина, во крајбрежниот град Ќингдао, и е најбрзото копнено возило во светот, според кинеските медиуми. Возовите се движат така што лебдат над шините, користејќи магнети кои создаваат подигнување и потиснување. Кина ја користи оваа технологија две децении, но во многу ограничена мерка. Така, сега Шангај има „маглев“ што поврзува еден од аеродромите со градот. Досега во Кина нема маглев линии на долги растојанија, но некои градови, вклучувајќи ги Шангај и Ченгду, почнаа со истражувања и во таа насока.

Со брзина од 600 километри на час, на возот би му требале само 2,5 часа да стигне од Пекинг во Шангај, а тоа е растојание од над 1.000 километри. За споредба, патувањето со авион трае три часа, а со обичен брз воз – 5,5 часа.

Возовите „Маглев“ се иднината и, многу земји – од Јапонија до Германија, планираат да градат железнички „маглев“ мрежи. Но, тоа засега е попречено од високата цена на оваа технологија и несовпаѓањето со постојната инфраструктура.

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Земјотрес со јачина од 5,8 степени по Рихтер ја погоди границата меѓу Киргистан и Кина

(ВИДЕО) Голем пожар во Кина, загинаа најмалку 15 лица, 44 се повредени

Горан Наумовски

(ВИДЕО) Товарен брод во Кина удри во мост, има мртви: автомобили и автобус паднаа во реката