(ВИДЕО) Интервју со Брестовац: Кога губам знам и да плачам

Од:

По шест години, Македонија на ракометно првенство оди со македонски сeлектор. Данило Брестовац, некогаш најдобар голман во Франција, го предводи ракометниот тим. На 10 јануари ќе го играат првиот натпревар во Австрија. Вели не е лесно, оти доаѓа во малку тешко време за македонскиот ракомет. Од една страна приказните дека не е човекот за оваа работа, од друга страна шансата што им ја дава на младите да се покажат, па до тоа дека има нетрпение во тимот помеѓу играчите, вели Данило Брестовац во интервју за Репортер.

„Па, мене и кога ќе победаме ме критикуваат. Јас знам како го замислувам националниот тим, ама мора да се има трпение. Може сега нема да направиме бум, ама за две-три години сум сигурен дека ќе имаме врвна репрезентација“, вели селекторот Брестовац, кој неодамна беше прогласен за најдобар екс-ју тренер.

Како помошник на Лино Червар и Ивица Обрман, а подоцна и тренер на „Металург“, но и во Луксембург, ракометната приказната почнала уште кога имал 15 години. Ама како голман. Прво играл ракомет во „Ѓорче Петров“, а од таму оди во „Вардар“ каде беше капитен и прв го крена трофејот во 1997 година. Подоцна доаѓа и понудата за Франција каде што девет години држеше рекорд. „Рекордот ми го сруши голманот што јас го тренирав“, раскажува Брестовац.

Малкумина знаат дека за шише виски го направи првиот ракометен портал во Македонија, па му се лутеле зошто прв ги дознавал ракометните вести.

За тоа какво е расположението во тимот, има ли кавги во соблекувалната, како се справува со негативните критики и дали беше тешко да излезе од сенката на Раул Гонзалес, Данило има своја приказна. Но и онаа за почетоците, за времињата со „Вардар“ кога со ракометрите биле многу популарни, за дневните шеми и излегувањата, за семејството и дали децата го засакаа спортот, ама и за шишето виски оти во слободно време работел како новинар… Гледајте го интервјуто.

Би можело да ве интересира

Извлечени групите за ракометната Супер Лига

Ана Ололовска

Македонските ракометарки во првиот шешир за извлекувањето на претквалификациските групи за СП 2021

Ана Ололовска

Филип Чурлевски нов играч на РК Прилеп

Ана Ололовска

Македонската репрезентација попладне ќе ги добие противниците во квалификациите за ЕП 2022

Ана Ололовска

Заради корона пандемијата се откажува шестиот ракометен камп „Кирил Лазаров 7“

Ана Ололовска

Познат изгледот на шеширите за баражите за СП 2021, С. Македонија во групата неносители

Ана Ололовска