ВИДЕО: Хрватскиот „Доктор“ за возила – 20-годишен автомеханичар со повеќе фанови на Јутјуб од Северина

Од:

Во ерата на наплив од безвредни содржини на социјалните мрежи и на интернет воопшто, вистинско освежување е Јутјуб-канал што ги спојува корисното, интересното и едукативното.

Се чини дека ова е добитната комбинација за 20-годишниот автомеханичар Давид од селото Борова кај Сухопоље, на хрватско-унгарската граница, кој стана вистинска ѕвезда со неговите суперинтересни снимки од најразлични возила и направи што самиот ги изработува.

Младиот иноватор, кој се претставува како „Доктор ДС“ или „Доктор Давид“, има 1.3 милиони претплатници на неговиот канал, и со тоа е вториот најпопуларен во Хрватска, зад бендот „2 Cellos“, a со повеќе фанови дури и од Северина.

Меѓу изумите на Давид се: мотоцикл направен од мотокултиватор со автомобилски гуми, квад-возило со шест тркала, картинг направен од косилка и градежна количка… тука се и разни совети поврзани со „фризирање“ на возила и домашни машини, снимки од неговата комплетна обнова на неколку стари мотори Томос, а може да се проследи и комплетната изработка на домашен тенк, во седум продолженија.

Давид досега има објавено преку 200 видеа, кои заедно имаат преку 300 милиони прегледи.

„Ја престигнав Северина пред година и нешто,“ вели младиот генијалец, кој додава дека само од прегледите на Јутјуб заработува три хрватски плати месечно.

Би можело да ве интересира

Хрватска: Ослободена е келнерката која запали шанк и повреди седум лица

Горан Наумовски

ВИДЕО: Келнерка палела шанк во ноќен клуб, ги запалила и гостите – инцидент ов Хрватска

Алпинист загина во Националниот парк Пакленица, паднал од височина од околу 150 метри

Пукано во возилото на хрватскиот јавен обвинител Иван Турудиќ

Горан Наумовски

Пленковиќ: Милановиќ продолжува со циркусот, маските паднаа

Битиќи за владината набавка на 45 нови возила: Подобро е на лизинг, трошоците се помали

Орце Костов