Реновирањето на црквата Нотр Дам мора да ја заштити универзалната вредност на локалитетот, но не значи дека катедралата мора да биде реконструирана така да е иста како и самата.
Ова го најави делегацијата на УНЕСКО по состанокот со францускиот претседател Емануел Макрон.
Според изјавата на кабинетот на францускиот претседател, претставниците на ОН велат дека се подготвени да помогнат во обновата на Нотр Дам, особено со обезбедување на техничка експертиза.
Директорката на УНЕСКО, Одри Азули, рече дека мора да се почитува “интегритетот и автентичноста” на споменикот, бидејќи е дел од светското културно наследство, но тоа не значи дека црквата мора да остане непроменета.
Се вели дека УНЕСКО формално го признава правото на секоја генерација да учествува во наследството на човештвото, меѓу другото, прилагодувајќи се на природните и историските процеси на промени и трансформација и на новите можности кои ги нуди напредната технологија.
Макрон првично ја изрази желбата дека катедралата уништена неодамна во пожарот ќе биде обновена за само пет години, но предизвика јавното неверување, бидејќи се проценува дека за реконструкцијата ќе биде потребно значително повеќе време.