Уапсен 66-годишен маж за кражбата на позлатената WC школка од замокот „Бленам“

Од:

Маж на возраст од 66 години е уапсен за кражбата на тоалетната школка од масивно 18-каратно злато од замокот „Бленам“, но самото уметничко дело се уште не е пронајдено, информираа светските агенции.

Златната WC школка, проценета на повеќе од пет милиони долари, е дел од изложбата на италијанскиот концептуалист Маурицио Кателан, пренесоа британските медиуми.
Делото, наречено „Америка”, е замислено како сатира за прекумерното богатство во светот. Тоа е целосно функционално и е поврзано со канализација. Затоа неговото демонтирање предизвикало значителни штети.

Крадците вчераутро упаднале во замокот „Бленам“, каде е роден Винстон Черчил. Заради инцидентот изложбата беше привремено затворена, а денеска повторно ќе почне да прима посетители.

Златната тоалетна школка „Америка” од септември 2016 до летото 2017 година беше изложена во музејот „Гугенхајм“ во Њујорк. Музејот тогаш предложи да му ја даде на Доналд Трамп место побараната слика од Винсент Ван Гог, но претседателот тоа го одби.

Дворецот „Бленам” му припаѓа на 12-от херцог од Марлборо. Во август брат му Едвард Спенсер-Черчил, кој е основач на фондацијата за уметност „Бленам”, изјави дека не предвидува специјално обезбедување за златното уметничко дело затоа што тоа не е „најлесното нешто за крадење“.

Би можело да ве интересира

ВИДЕО: „Мјузик Фингерс” – уред којшто го претвора телото во ритмички инструмент

Ана Ололовска

ВИДЕО: „Еволуцијата на танцот“ надмина 21 милион прегледи на Фејсбук

Ана Ололовска

Швајцарската епископија бара нов истерувач на ѓаволи

Ана Ололовска

Кинез истрчал маратон во дневната соба

Ана Ололовска

ВИДЕО: Зошто не смее да се вози по поплавена улица?

Ана Ололовска

Високи казни за берење кокичиња на турската планина Спил

Ана Ололовска