Три четвртини од рибите во Нил имаат микропластика во себе

Од:

Дури 75 отсто од рибите кои живеат во Нил во своите тела имаат микропластика, покажуваат најновите истражувања околу загадувањето во најдолгата река во светот.

Испитувањето го иницираше британската телевизија „Скај њуз“ со помош на египетски и британски научници, а тоа се спроведе во лабораторија во Данска. Сѐ тоа траеше повеќе од два месеца, при што е испитана загаденоста по должина на целиот тек на реката, надополнето со изјави на земјоделците, политичари, научници, ветеринари…

Фактите говорат дека реката е загадена по должина на целиот свој тек – од езерото Викторија од каде што истекува, до вливот во Средоземното Море.

Густината на микропластика во рибите и големиот процент зафатени риби е сериозна основа за загриженост околу иднината на водниот живот во Нил. Притоа, пластиката најдена во рибите, поточно делови од неа можеа да се видат и со голо око.

Микропластиката привлекува отровни материи, што значи дека, најверојатно, во телото на тие риби има и пестициди и други загадувачи.

Би можело да ве интересира

Земјата соочена со магнетна бура

Ана Ололовска

Земјата од 1994 година изгубила 28 трилиони тони мраз

Ана Ололовска

ВИДЕО: Крај Земјата мина астероид, најблиску досега

Ана Ололовска

Мистериозна магнетна аномалија над Земјата

Ана Ололовска

Преку 100 организации низ целиот свет бараат ново човеково право – на здрава Планета

Ана Ололовска

Поларните мечки ќе исчезнат до 2100 година

Ана Ололовска