Тамара Тодевска вечер ќе настапи осма во финалето на Евровизија

Од:

Пејачката Тамара Тодевска со песната „Proud“ („Горда“) вечер под реден број 8 ќе настапи во финалната вечер на 64. Евровизија, што се одржува во Тел Авив, Израел.

Aвтори на песната „Proud“ се Роберт Билбилов, Дарко Димитров и Лазар Цветкоски, а текстот е на Коста Петров и Сања Поповска. Придружни вокали се Александра Јанева, Антонија Гиговска и Васил Гарванлиев.

Во финалето ќе настапат 26 земји, а ќе можат да гласаат сите учесници односно 41 земја.

Пласман во финалето од втората полуфинална вечер обезбедија и Холандија, Албанија, Шведска, Русија, Азербејџан, Данска, Норвешка, Швајцарија и Малта, а од првата полуфинална вечер – Грција, Белорусија, Србија, Кипар, Естонија, Чешка, Австралија, Исланд, Сан Марино и Словенија. Директен пласман во финалето покрај домаќинот Израел имаат Франција, Италија, Германија, Шпанија и Велика Британија.

Прва на финалната вечер ќе настапи претставничката на Малта, Микела со песната „Chameleon“, а последен ќе настапи шпанскиот претставник Мики со песната „La Venda“.

Како специјален гостин на финалната вечер на 64.Евровизија ќе настапи 60-годишната поп ѕвезда Мадона.

Тамара Тодевска четврти пат учествува на Евровизија, но првпат како солист.

Би можело да ве интересира

ВИДЕО: Украина ги избра своите претставници за Евровизија, настапот се емитуваше од засолниште во Киев

Ана Ололовска

Промени на Евровизија – се воведува онлајн гласање

Горан Наумовски

Македонија нема да учествува на „Евровизија 2023“

Ана Ололовска

Ливерпул ќе биде домаќин на Евровизија следната година

Катерина Павлова-Николовска

Велика Британија ќе биде домаќин на Евросонг 2023

Катерина Павлова-Николовска

Евровизија 2023 нема да се одржи во Украина, Велика Британија може да биде домаќин

А1он