Тамара Тодевска со песната „Proud“ вечер ќе настапи на Евровизија

Од:

Пејачката Тамара Тодевска со песната „Proud“ („Горда“) вечер ќе настапи во втората полуфинална вечер на 64. Евровизија, што се одржува во Тел Авив, Израел.

Тамара Тодевска четврти пат учествува на Евровизија, но првпат како солист. Таа ќе настапи под реден број 17, а придружни вокали ќе ѝ бидат Александра Јанева, Антонија Гиговска и Васил Гарванлиев. Автори на песната се Роберт Билбилов, Лазар Цветковски и Дарко Димитров, а текстот е на Коста Петров и Сања Поповска. Спотот е во режија на Чедо Поповски.

На првата полуфинална вечер на Евросонг, што се одржа завчера настапија изведувачи од 17 земји од кои 10 од Грција, Белорусија, Србија, Кипар, Естонија, Чешка, Австралија, Исланд, Сан Марино и Словенија, обезбедија настап во финалето, што ќе се одржи в сабота, 18 мај.

Прва настапи претставничката на Кипар, Тамта со песната „Replay“. Првата вечер традиционално ја отвори пејачката Нета Барзилиа, која со песната „Тоу“ минатата година победи на Евросонг во Лисабон.

И во втората полуфинална вечер десет земји ќе обезбедат пласман во финалето. На Евросонг учествуваат 41 земја, а покрај домаќинот Израел, пет земји (Франција, Италија, Германија, Шпанија и Обединетото Кралство) имаат директен пласман во финалето.

Би можело да ве интересира

Косово одбиено да учествува на Евровизија

Ана Ололовска

Тамара најдобар годинашен женски евровизиски вокал

(ВИДЕО) Заев: Тамара и тимот станаа херои на земјата и силен глас за гордоста со која девојките и жените се борат за остварување на своите права

Ана Ололовска

Тамара седма на Евросонг, прва по гласовите на стручното жири

Татјана Ташкова

Копров и се извини на Србија: Лично чувствувам потреба да им се извинам на колегите и братска Србија

(ВИДЕО) Царовска: Северна Македонија е на врвот на евровизиската победничка листа со пораката за родова еднаквост и за прифаќање на различностите

Ана Ололовска