Талентираната чешка гимнастичарка Натали Стичова (23) загина откако падна од височина од 80 метри во близина на замокот Нојшванштајн во Германија.
Трагична смрт го потресе чешкиот спорт откако талентираната Стичова, позната гимнастичарка во својата земја, загина додека се обидувала да се фотографира на врвот на замокот.
Многу активна на социјалните мрежи, Натали често објавуваше фотографии на кои ужива во природа, а сега правењето на една таква ја чинеше живот.
Стичова падна од височина од 80 метри на планината Тегелберг, каде пристигнала да го види познатиот германски замок Нојшванштајн.
Според зборовите на нејзините пријатели, оваа талентирана гимнастичарка премногу се доближила до работ на планината додека се обидувала да ја направи посакуваната фотографија пред замокот и изгубила рамнотежа. Во моментот на несреќата со неа биле двајца пријатели и нејзиното момче Дејвид.
Czech gymnast Natalie Stichova, 23, dies after 262ft fall from Tegelberg Mountain in #Bavaria, #Germany
Natalie was taking a selfie near Neuschwanstein Castle when she slipped off edge
Survived initial fall but taken off life support due to brain damage#RIP 🙏 pic.twitter.com/7scHL8m8st
— True Crime Updates (@TrueCrimeUpdat) August 26, 2024
Несреќата се случила на 15 август, но Натали со денови била во критична состојба во болница каде веднаш по трагичниот настан била пренесена. За жал, семејството беше принудено да го прекине одржувањето во живот на младата гимнастичарка поради неповратно оштетување на мозокот, а веста за нејзината смрт ја потврди и нејзиниот клуб Сокол Прибрам.
Натали беше позната спортска ѕвезда во својата земја и активен корисник на социјалните мрежи. Таа често споделуваше фотографии кои ги правеше на планинските врвови. Неодамна почна да тренира и млади спортисти.