Белгиски научници во новата студија не пронашле докази за поврзаноста на крвните групи и ефикасноста на одреден режим на исхрана.
„American Journal of Clinical Nutrition“ пишува дека истражувачите користеле наоди од 16 претходни истражувања.
Се покажало дека нема докази за тврдењата на некои популарни диети оти се посебно создадени за максимална ефикасност кај лицата со одредени крвни групи.
Книгата која ја поддржува тероријата според која некои намирници се препорачливи само за лицата со одредени крвни групи е отпечатена во над седум милиони примероци.
Некои претходни истражувања ги поврзуваа крвните групи со ризикот за срцев удар, згрутчувања на крвта, и заболување од некои облици рак.