Струмица почнува да го живее ритамот на карневалот

Од:

Од вечер градот под Царевите кули почнува да живее во ритамот на карневалот. Со карневалската забава и дружење на гостите од странство со преставници на карневалските групи од Струмица, која почнува во 18 часот и одржувањето на традиционалниот маскенбал во Хотелот „Сириус“ со почеток во 21 часот, на кој се избираат принц и принцеза на Струмичкиот карневал, официјално се означува почетокот на струмичката карневалска треска.

Токму маскенбалот е првиот барометар за понудата на маски и нивниот квалитет за главниот настан-Интернационалната карневалска вечер, која се одржува утре. На неа ќе продефилираат околу две илјади учесници распоредени во 47 групи од земјава и странство.

Почетокот на кулминацијата на струмичките карневалски празнувања е закажан во 18.30 часот кога низ улиците на Струмица ќе потече река од маски. Жири комисијата ќе ги оценува нивните креации, а за најдобрите во повеќе категории се предвидени парични награди.

Би можело да ве интересира

Карневалски групи од Струмица учествуваа на карневал во Лесковац

Ана Ололовска

Џоломарите од Бегниште ги избркаа злите духови и освоија награда на карневал во Варна

Ана Ололовска

Се одржа Детскиот карневал во Струмица

Ана Ололовска

Заев присуствуваше на годинашното издание на Струмичкиот карневал

Ана Ололовска

Прилепски карневал „Прочка 2019“

Македонија доби прво координативно тело на карневалските градови