Дванаесет годишно момче ја повикало полицијата и кажало дека слушнало пукотници и расправија од вилата на Ештон Качер (35) во Лос Анџелес, поради што на терен биле испратени полицајци.
Додека хеликоптерите ја надлетувале куќата, специјалци упаднале и откриле дека станува збор за лажна дојава, а Качер воопшто не бил на имотот.
Момчето е уапсено и се наоѓа во притвор за малолетници. Тој плачел од страв, ја довикувал својата мајка и им се спротивставувал на полицајците, додека го апселе.