Во подножјето на планината Шлерн во северна Италија, изградена е планинска куќа наречена Меснер, која е совршен спој на традиционална и современа архитектура. Куќата е опкружена од природата и е инспирирана од детските сеќавања на главниот архитект Стефан Риер.
Изградбата на оваа куќичка почнала врз една напуштена стара куќа, па архитектите направиле модерна куќа во духот на старите времиња. Дрвната надворешна конструкција и 12-метарските столбови прават куќата да изгледа како стар амбар. Нивната практична примена лете, меѓу другото, е заштита од топлотните бранови.
Во однос на внатрешноста, на приземје има кујна, трпезарија и дневни простории за одмор и дружење.
Наместо класичната поделба со преградни ѕидови, куќата е поделена со така наречени висечки коцки, поставени на различни висини и поврзани со скали и ходници. Во нив се сместени спалните соби, а во една има и сауна.
За изградбата на куќата се користени дрво и камен, а скалите се од челик со фина изработка којашто потсеќа на арапски традиционални мотиви.