Социјални медиуми користат 36,2 проценти од фирмите со 10 или повеќе вработени

Употребата на социјалните медиуми, како социјални мрежи, блогови, веб-страници за споделување на мултимедијална содржина (Facebook, Twitter, YouTube, …), или wiki-алатки за споделување знаење, во јануари годинава е застапена кај 36,2 проценти од фирмите со десет или повеќе вработени.

Според податоците што ги објави денеска Државниот завод за статистика, во јануари широкопојасен пристап на  интернет (преку фиксна или мобилна конекција) имале 91,5 проценти  од деловните субјекти со десет или повеќе вработени.

Пристап на интернет преку мобилна конекција (широкопојасна или друг вид мобилна конекција) имале 43,8 проценти од деловните субјекти. Педесет и седум проценти од деловните субјекти за своите вработени обезбедиле далечински пристап до системот на е-пошта,  документите или апликациите на претпријатието, а 41 процент на своите вработени им обезбедиле преносливи уреди со кои се овозможува мобилна конекција на интернет за деловна употреба.

Во јануари година, 32,4 проценти од вработените во деловните субјекти со 10 или повеќе вработени при вршењето на работните задачи користеле компјутер најмалку еднаш неделно, а 26,1 процент од вработените, најмалку еднаш неделно користеле компјутер со пристап на интернет. Преносливи уреди (пр., notebook, laptop, smartphone, PDA phone), што овозможуваат мобилен пристап на интернет, за деловна употреба користеле 6,6 проценти од вработените.

Би можело да ве интересира

ФТЦ го казни Фејсбук со пет милијарди долари

Ана Ололовска

Американско регулаторно тело бара „Фејсбук“ да се откаже од криптовалутата

Ана Ололовска

„Фејсбук“ се справи со проблемот при споделување медиа-фајлови

Ана Ололовска

„Фејсбук“ евакуираше четири згради поради сомнителна пратка

Ана Ололовска

Твитер најави нови правила за политичарите

Ана Ололовска

Гугл и Фејсбук реагираат на санкциите на САД против Хуавеј

Leave a Comment

seven + 1 =