Принцот Хари и Меган Маркл се селат во Канада каде ќе продолжат со животот откако финасиски ќе се одвојат од кралското семејство.
Тоа значи дека новиот дом се бара интензивно, а куќата која веќе сакаат да ја купат е во елитниот западен дел на Ванкувер каде вредноста се проценува на 25 милиони евра.
Луксузната куќа е на четири ката, има шест спални соби, пет купатила, а цела една страна на куќата е со прозорци од кои има неверојатен поглед.
Дворот излегува на плажа, а куќата има вкупно 6.900 метри квадратни. Приватноста е загарантирана ако се имаат предвид високите ѕидови околу целата куќа.
-Меган изрази заинтересираност за оваа куќа која би била преубава за неа, Хари и Арчи, рече агент од Агенција за недвижнини.
Во оваа област живеат многу познати личности, угледни мултимилионери и бизнисмени што му одговара на познатиот пар. Куќата е стара точно 108 години.