Се верува дека пронајдениот дијамант од 190 карати е стар две милијарди години

Од:

Огромен дијамант од 190,77 карати е пронајден во руската сибирска федерална единица Јакутија, само неколку дена пред Нова година, соопшти Алросе, водечкиот светски производител на дијаманти.

Според анализите на стручњаците, висококвалитетниот драг камен што бил ископан во далечната Јакутија на 25 декември, може непречено да лежи во природата две милијарди години. Натамошните испитувања ќе ја утврдат точната старост на дијамантот, пишува „Раша Тудеј“.

-Откривањето на дијамантот непосредно пред Нова година е вистински подарок, изјави Евегениј Агурев, заменик генерален директор на Алросе.

Тој додаде дека природата годинава била дарежлива, со извонредни изненадувања како дијамантот во форма на срце, што компанијата го открила пред Денот на вљубените.

Огромниот скапоцен камен сега е испратен на детални анализи и прелиминарно вреднување.

Претходно годинава, руски рудник за дијаманти откри необичен дијамант наречен Матрјошка, бидејќи потсетувал на традиционалната руска кукличка. Се верува дека овој дијамант, што е стар 800 милиони години, е апсолутно непроценлив и единствен во светот.

Би можело да ве интересира

Дијамантите повторно поштедени од европските санкции врз Русија

Бараат да им го вратат дијамантот: „Срамно сме сиромашни и со криминалци, виновни се Кралицата и нејзините предци“

А1он

Најголемиот црн дијамант продаден за 3,8 милиони евра

Ана Ололовска

ВИДЕО: На Шри Ланка откриен најголемиот сафир во светот, тежок 310 килограми

Ана Ололовска

Индиски селанец ископа дијамант и преку ноќ стана милионер

Ана Ололовска

Боцвана: Ископан третиот најголем дијамант во светот

Ана Ололовска