Се продава родното место на Че Гевара

Од:

Станот каде што се родил славниот јужноамерикански револуционер Ернесто – Че Гевара, оди на продажба.

Местото во аргентинскиот град Росарио со површина од 240 квадратни метри се наоѓа во зграда во неокласичен стил. Последниот сопственик, Франциско Фаруџа, го купил во 2002 година. Тој сакал да го претвори апартманот во културен центар, но плановите не му се оствариле, па сега мора да го продаде.

Цената сѐ уште не е одредена.

„Че“ е роден 1928 година, во богато семејство од средната класа во Аргентина. Се радикализирал, како што и самиот пишува во своите дневници – поради сиромаштијата и гладот што тој ги посведочил патувајќи ширум Јужна и Средна Америка. Тој одигра клучна улога во Кубанската револуција (1953-1959), со која беше соборен лидерот Фулгенсио Батиста.

Од Куба, отишол за Боливија за да ги предводи бунтовниците против претседателот Рене Бариентос Ортуњо. Со американска помош, боливиската војска го заробила револуционерниот водач и другите негови преостанати соборци. „Че“ бил егзекутиран на 9 октомври 1967 година во селото Ла Игуера. Неговото тело е погребано на тајна локација.

Во 1997 година, неговите посмртни останки биле откриени, ексхумирани и вратени во Куба, каде што тој почива.

Приврзаниците на „Че“ и денес го гледаат како пример на посветеност и самопожртвуваност. Неговите противници пак, сметат дека тој бил безмилосен, брутален и суров човек.

Би можело да ве интересира

Копање гроб за починат од Ковид-19 – казна за неносење маска

Ана Ололовска

Мртовечки ковчег којшто на еколошки начин ги разградува останките на покојниот

Ана Ололовска

ВИДЕО: Најмладата крионички замрзната личност сѐ уште чека науката да ја оживее

Ана Ололовска

Како бебе прележал шпански грип, а еден век подоцна и Ковид-19

Ана Ололовска

Канаѓанец заспал возејќи со 150 километри на час

Ана Ололовска

ВИДЕО: Англичанец носел змија како маска во автобус

Ана Ололовска